|
Auf der schwäbischen Eisenbahn
1. Auf de' schwäb'sche Eisebahne / Gibt's gar viele Haltstatione:/
Schtuagart, Ulm, ond Biberach, / Ochsahausa, Wennedach.
Trulla, trulla, trulla-la....
2. Auf de' schäb'sche Eisebahne / Gibt's au viele Restatione, /
Wo mer ess' und trinka ka', / Alles, was der Maga mag.
3. Auf de' schwäb'sche Eisebahne / Braucht ma keine Postillone. /
Was ons sonst des Posthorn blies, / Pfeift jetzt die Lokomotiv.
4. Auf de' schwäb'sche Eisebahne / Könne Küh' ond Ochsa fahre, /
D'Studente fahra erschte Klass, / Se machet des halt blos zom Spass.
5. Auf de' schwäb'sche Eisebahne / Dürfet Küh' ond Ochsa fahre, /
Büeble, Mädle, Weib ond Ma, / Alles was no zahla ka.
6. Wenn a Glöckle tut erklinge / Tun glei älle z'samma springa /
Älles, was a Karta hot, / Möcht jetzt mit dem Bahnzug fort.
7. Männer, die im G'sicht ganz bärtig / Schreiet laut: Jetz ist es fertig/
Springet in die Waga nei, / Machet Löchle in d'Karte nei.
8. Auf de' schwäb'sche Eisebahne / Wollt amol a Bäuerle fahra /
Goht an Schalter, lupft da Huat: / "A Billettle, send Se so guat."
9. Einen Bock hat er gekaufet, / Und daß der ihm net entlaufet /
Bindet ihn der gute Ma / Henta an de Waga na.
10. Böckle, tu no wacker sprenga. / S Fressa werd i dir scho brenga. /
Zündt sei stinkigs Pfeifle a, / Hockt sich zu seim Weible na.
11. Als der Zug no wieder staut,/ D'r Bauer noch seim Böckle schaut./
Find't er bloß no Kopf ond Seil / An dem hintre Wagenteil.
12. Da packt de Baure an Baurazore, / Nimmt de Geißbock bei de Hore, /
Schmeißt en, was er schmeiße ka / Dem Konduktör an d'Aura na.
13. So, jetz kannsch de Schade zahle, / Warum bisch so schnell au g'fahre!
Du alloi bisch schuld do dra, / Daß i d'Goiß verlaura ha!
14. Des isch des Lied von sellem Baure, / Der de Geißbock hat verlore. /
Geißbock ond sei traurigs End: / Himmel Schtuegart Sapperment.
15. So jetz wär des Liedle g'songa./Hat's euch recht in d' Aura klonga/
Stoßet mit de Gläser an / Aufs Wohl der schwäb'sche Eise'bahn.
|
